今日同GGA團友們(其實都係得9個人jei)去左食印尼野....
其中四個係最近都有見開既師傅，大Might，Cyber同團長
另外四個就係好耐無見既嵐風，緣伯，大C同哥般
開飯前....咁話說哥般係最後黎到既一個，加上耐無蒲頭既關係
所以佢係人都未坐低就不停咁 "哇，好耐無見啦" x N....
咁social完一輪之後佢坐返低啦，見佢終於坐定啦諗住同佢say hi
但佢牛咁眼望住我，於是我又望住佢....一d都唔情深地對望左幾秒之後
佢指住我問坐佢隔離既嵐風："呢個人....我係咪識得佢架？@@....我覺得佢好似...."
當大家都諗緊佢會答似邊個既時候，佢既答案竟然係："佢好似刀仔呀！"
我既即時反應係訓左落檯....其他人就已經忍唔住笑左出黎XDDDD
晚餐都算幾好味，不過無人負責影相....
因為原來除左我之外，好幾位團友都已經黎過@@
飯後成班人一齊柴娃娃咁捉左團長去百老匯睇digicam
雖然最後都係無買到，但成班人輪住向團長"落毒"既過程實在太好笑XDDD
今日先知原來師傅打算遲d過澳門發展....到時可能兩三個月先見到一次= =
雖然而家都係差不多個幾兩個月先見一次，但....總係有少少唔捨得既感覺~.~
真係去得成的話，希望師傅響果邊順順利利啦^^"
另：今日先發現原來好多人都會將"響msn send msg比人"呢個action誤解為"add人"....= =
